好多人都甘於平淡，但係人生如果冇番咁上下歷練的話，又點稱上活得痛快呢！而日本寫真界新貴壯絕之梨花之所以改個咁淒美嘅藝名，正係因為佢小時候已經飽歷風霜。
喺日本做得賽車女郎，身材同美貌都要有番咁上下，亦因為咁一班車女成為寫真界發掘新人嘅對象。其實除咗車女之外，亦甚得寫真界歡心，就係夜店舞孃喇！近期人氣火紅嘅COCO就係好例子，而今日介紹嘅壯絕之梨花亦係其中一員。
阿妹今年23歲，點解佢改個咁特別又奇怪嘅藝名容後再解釋，因為比佢個名更惹人注目嘅地方仲有好多，當中包括弗到漏嘅身材，一對斤両十足嘅E奶，腰肢纖幼，以及玉臀又大又圓。此外，肉地光滑得嚟仲富有彈性，原因係阿妹拍寫真前係一名舞孃，每晚都要表演誘人舞姿。除咗身段誘人之外，梨花嬌艷而帶點媚態迷人嘅面孔亦相當吸引，不過有人就話佢每次笑起上嚟都好似笑中有淚咁，相當淒美。
至於梨花之所以改呢個名字，原來係同佢嘅身世有關。日本有個電視節目叫做《THE NONFICTION》，內容講述不同人物嘅人生悲慘經歷，梨花曾經係其中一集嘅採訪對象，佢透露5歲嘅時候父母離異，和媽媽相依為命，而媽媽喺六本木嘅夜場做媽媽生，雖然生活富裕，返學有阿媽嘅男友揸名車接送，但係佢幾乎每日都要做一件事，就係阻止媽媽自殺，因而令佢精神崩潰。直到15歲嘅時候，悲劇終於發生，媽媽自殺身亡，而梨花覺得自己嘅人生夠晒悲壯，所以就改咗呢個藝名。梨花笑起上嚟總係眼帶淚光，亦可能因為呢個原因。
不過梨花雖然經歷咗咁多，但係佢對人生依然充滿正能量，加入寫真界之後，唔單止立志成為寫真界第一，更加希望可以好似綾瀨遙咁，由寫真妹變成大明星，阿妹！我哋一定會支持你嘅，加油！
簡介：壯絕之梨花好識得享受人生，喺佢嘅社交網中，大家就可以見到阿妹不時同班姊妹四圍吃喝玩樂，如果想知道佢最近去過邊度歎世界，就要Click入去睇睇。
網址：https://twitter.com/satonagarika
年齡：23歲
身高：5呎4吋
三圍：34E-24-36
撰文：賢