英文中嘅Blue除咗解做藍色外，仲可以解做憂鬱，之但係喺情色字典中嘅藍色（Blue），原來不但唔會令人覺得憂鬱，仲會令人相當興奮添！
我哋用黃色嚟形容同成人內容有關嘅嘢，好似黃色雜誌、黃色電影等，而印度卻以藍色電影「Blue Film」嚟形容成人電影。呢個俚語早喺上世紀80年代就出現，印度坊間流傳兩種講法：一係戲院為咗令成人電影嘅宣傳海報冇咁顯眼，用藍色同白色作為主色調；二係因為拍攝成人電影嘅製作費少，而製片人同導演為節省成本，會買入一啲平價或過期嘅菲林，沖曬出嚟便會出現偏藍嘅色調而得名。唔知大家覺得邊個講法可信啲呢？
好多時一個俚語同時會有多個意思，「Bluebeard」就係一個好例子，佢有兩個意思，分別係暗指男士兵器同好色之徒。前者嚟自另一個暗指女士蜜洞嘅俚語「Bluebeard's Closet」，而抽出當中一個詞語，便衍生出男士兵器咁解。後者則源自收錄於初版《格林童話》其中一個故事《藍鬍子》（Bluebeard），主角藍鬍子係個既鹹濕又變態嘅男人，而隨住時代嘅變化，就變成專指鍾愛女性妝扮，卻又鹹濕嘅男人。
嫌一位天后級脫星演出唔夠喉？咁兩位天后級脫星打孖上又點睇呀？講緊就係由Wicked Pictures喺2011年2月推出嘅作品《Black & Blue》。片名中嘅「Black」同「Blue」分別係Tori Black同Alektra Blue，故事講述呢兩位淫娃對性愛感到唔滿足，於是搵辦法解決慾火。當中嘅演出固然精彩，尤其係兩位天后同床較量更係場面經典。不過講到最得美國四仔迷歡心，相對年輕嘅Tori Black以些微票數險勝。
1988年8月26日於西雅圖出生嘅Tori Black，2007年出道至今，不但喺眾多四仔頒獎禮上奪取多個獎項，2010年及2011年更連續兩年喺AVN頒獎禮贏得「年度最佳脫星」殊榮，成績斐然。近年做埋四仔導演嘅佢，喺2016年XBIZ頒獎禮上榮獲「年度最佳四仔導演」。
日本AV片名除咗巨乳、長腿、薄身之類嘅字眼外，其實亦有唔少喺片名上花心思嘅作品，好似呢套由AV片廠Victory喺2012年4月推出嘅《Blue Sky Blue》咁，就係將主演女優青空小夏中嘅「青空」翻譯成英文，而佢喺片中嘅高潮反應更備受AV迷激讚。講開青空小夏，除咗床上演出一流外，萌樣加一對39G豪乳更係超煞食。
事實上佢喺2009年5月以當時剛成立，隸屬於北都集團嘅AV片廠呼風喚雨的「Super Girl」專屬女優身份出道時，不但吸引到AV迷嘅注意，更係片廠重點培育嘅對象。其後先後轉會到kawaii、MOODYZ、SOD等大型片廠嘅佢，人氣更係不斷攀升，可惜2014年淡出AV界，令人深感惋惜。
撰文：魂