胸圍對唔少男士嚟講真係又恨又愛，愛佢令女士胸形變得更養眼，喺白恤衫下若隱若現更係超性感；而恨嘅原因係唔少男士都唔識解Bra扣，喺慾火高漲嘅時候真係阻住晒！話說回來，喺情色世界中嘅Bra又係咪令男士又恨又愛呢？
Bra即係胸圍，但大家又知唔知佢嘅全寫係乜？答案係Brassiere。講起Bra，唔少人都以為係法國喺上世紀20年代發明，如果要追本溯源嘅話，最早可以追溯到古希臘時期，當時嘅女性已使用名為「Apodesmos」嘅胸帶嚟包裹胸部。不過如果要講到現代胸圍嘅雛型，喺2008年奧地利嘅東提洛爾（East Tyrol）地區發掘出兩個以亞麻製成嘅胸圍，形狀固然同現今嘅胸圍相似，最重要係經檢定後，發覺佢哋應於1440年到1485年間製成。
大家咪睇到「Bra Sex」呢個俚語中有個「Sex」字，就以為係一種性愛玩意，查實佢係指喺電視節目中嘅女演員戴住個Bra上下咁郁，用以暗示進行緊床戰，亦因此衍生出另一意思，就係指男士見到索女時，卻係有得睇冇得食。
另外仲有「Bra Busters」，直譯做胸圍破懷者嘅佢，其實係暗指巨乳嘅意思，而且巨型到逼爆胸圍，真係相當有畫面嘅俚語呀！
之前講咗「Bra Busters」係暗指巨乳，而不乏巨乳脫星嘅美國四仔界，梗係唔會浪費佢哋嘅天賦本錢，因此Jules Jordan Video喺2010年5月推出作品《Bra Busters》，由Chris Streams執導，搵嚟Lisa Ann、Shyla Stylez、Krissy Lynn等多位脫星演出，個個心口都波濤「胸」湧，尤其係Krissy Lynn擁有36D巨乳之餘，外形更係相當美艷，成功獲得四仔迷嘅歡心。
1984年12月14日於猶他州出生嘅Krissy Lynn，入行前係脫衣舞女郎，其後喺賭城被四仔星探發掘，2008年9月投身四仔界，並先後為Vivid、Hustler、Wicked Pictures等大型四仔片廠演出，2011年喺AVN頒獎禮榮獲「最佳三人行性愛演出獎」，足見實力強勁。
不得不讚日本AV片廠嘅創意，好似呢套由Prestige喺去年10月推出嘅作品《前扣式胸圍誘惑 3》咁，以前扣式胸圍做主題。所謂前扣式，即係個Bra扣設計喺心口，方便女士穿着，只係落入Prestige手中，就變成巨乳女優解Bra扣一刻，一對車頭燈即時彈出嘅誘人場面，極具視覺衝擊。
搵嚟35F嘅河北春菜、37F嘅葉山夏菜、33C嘅望月彩香，同埋擁有一對36G巨乳嘅野野原薺等四位胸前勁有料到嘅女優演出，故事講述佢哋為咗色誘男人，不但換上前扣式胸圍上陣，仲要嚟個逆壁咚強迫男優開戰，難怪呢個系列咁受歡迎啦！
撰文：魂