如果嫌細佬之前推介嘅書又厚又長，由興致勃勃開始睇到冇晒心機，今日介紹呢本書《How to free yourself from masturbation 》一定冇投訴，因為只得12頁紙，內容男女都啱睇，如果咁都話唔鍾意真係冇計！至於內容講咩呢？就係自娛啦！大家都知道自娛好正常，亦知道過度自娛對身體有害，以及沉迷自娛會影響喺床上正常發揮，但事實係知啲唔知啲囉！
根據作者Dr. Bila表示雖然自摸係健康活動，但要視乎當事人嘅年齡，因為自摸目的在於釋放身體「產能過盛」嘅一種方法，適合青少年，但成年人甚至叔伯婆嬸就唔合適，單身人士啱使，但已婚人士咪亂嚟！另外，作者絕不鼓勵觀看色情電影，因為自摸本身源於無法進行性行為情況下發生，因此絕非要睇四仔而去自摸，同樣自摸亦唔應該依靠四仔，總結自摸係磨練心智，搵出最健康、最合適自己嘅方法呀！