近期天氣總係陰陰濕濕咁，真係令人唔多精神！不過，陽光普照嘅天氣總會來臨，大家不妨等多一陣啦！一陣都唔想等？咁就一齊嚟欣賞一下大川成美呢位擁有極品靚股嘅「陽光女戰士」啦！
雖然拍寫真主要都係十零廿歲嘅女仔比較有優勢，但係喺日本寫真界卻有好多年近三十，甚至係年過三十歲嘅女優依然活躍，佢哋唔單止以濃郁嘅女人味吸引到觀眾，身材更保持得火辣誘人，好似寫真天后熊田曜子就係最佳例子，而今年3月踏入三十之齡嘅大川成美亦同樣吸引！
大川成美初出道時樣貌唔算出眾，但係隨年紀增長，女人味愈濃，樣子亦變得艷麗攝人。不過佢嘅身材就冇變過，一直以來都係咁弗且帶健美感，而最吸睛嘅地方就係誘人靚股，又圓又翹又飽滿，表面仲相當光滑添！除咗有靚股，上圍對斤両十足嘅D奶亦足以誘惑人心。
入行前，成美任職銀行職員，2012年參加家鄉旭市嘅旭市七夕市民節女王選舉，結果勇奪冠軍，後來被藝能事務所發掘拍寫真。提到奪冠，佢求學時期已經有冠軍命，曾經成為全國壘球大賽嘅最優秀選手，上年佢亦喺第一屆「周刊實話小姐」奪得冠軍。
最近美成成為話題，因為佢拍咗一套特攝劇集《太子之女戰士莉安娜》，劇中佢擔正做女主角，換上一身緊身高衩嘅戰鬥服登場，夠晒性感撩人。而喺戰鬥中佢雖然屢屢面對強敵，更被敵人打到血流披面，但係佢表現得正義不屈，故成功贏得唔少鍾意睇特攝片朋友嘅支持，仲表示希望成美可以繼續拍多幾輯添！
大川成美 Profile
年齡：29歲
身高：5呎2吋
三圍：33D-24-35
社交網站
簡介：大川成美經常喺社交網發表最新動態，亦會上載好多參加攝影會時嘅性感照。另外，一向鍾意玩壘球嘅佢近期亦參演唔少相關電視節目，想睇阿妹一展身手，就要Click入其社交網睇睇喇。
網址：https://twitter.com/naru_0320?lang=ja
撰文：賢