真心佩服Motorbunny嘅廣告製作團隊，如果呢間情趣玩具公司大大力發展「愛情動作片」，要成為大廠話都冇咁易。巴打如有印象，細佬都曾經講過呢間專開發女性騎乘震動器嘅公司，上年佢聯同四仔廠開拍《The Motorbunny Club》，多位知名脫星輪流喪騎，High到呱呱叫！接住落嚟佢喺各大成人博覽搵嚟世界各地成人節目主持即場試玩，新聞出街攞晒Noise，最近連網絡宣傳都攻陷埋，搵咗一位藝名叫Jacq the Stripper拍攝宣傳片，阿妹係加拿大脫衣舞孃、喜劇演員、藝術家、作家，鏡頭一開始阿妹已騎喺震動嘅Motorbunny上面，首先開支香檳自隊，邊講邊震，頭分半鐘都氣定神閒，但接住落嚟開始變聲，未到一半就面容扭曲，手舞足蹈，睇住佢死撐個樣真係好好笑，最後佢頂唔順成個趴咗喺枱上，你話呢個廣告幾成功，睇嘅笑死，演嘅爽死，而Motorbunny肯定賺到死啦！