日本有位寫真女神為寫真集搞眾籌，極速達標嘅原因除咗本身甚具人氣外，背後原來仲有另一個原因？另外，無論想偷食或已偷食嘅男士要留意，事關日本有個關於偷食男特徵嘅研究，仲話假如中晒所列出嘅要點，就肯定該男百分百會偷食！唔知係咪真係咁準呢？
提起日本性感女團「惠比壽★麝香葡萄」，唔少人都知道當中團員個個樣靚身材正，但其實成員除咗以AV女優佔多數外，仲有超人氣寫真女優，其中石岡真衣就係後者代表。呢位喺1990年8月7日於愛知縣出生，並以一對31F巨乳聞名嘅女優，早喺2011年就已經進軍寫真界，而憑住誘惑無比嘅外形，人氣極速爆升下更進軍埋藝能界，並先後參與多套電視節目演出。隨住佢嘅寫真露肉度愈嚟愈高，佢嘅人氣亦扶搖直上。早前佢喺日本眾籌網站Campfire為最新寫真集搞眾籌，唔使兩個星期款項就已經突破目標250萬日圓。咁快達標除咗因為石岡夠人氣外，更因呢本可能係佢最後一本寫真集。佢表示已從事寫真女優9年，明年夏天將踏入30歲，於是打算用呢本寫真集作為自己嘅里程碑。雖然佢冇講明會唔會引退，但已經引嚟唔少揣測。
男友或老公呢排成日以應酬為理由，每日都玩到凌晨至返屋企，女士會唔會懷疑對方喺外面偷食呢？日本就有個號稱準確度超9成嘅偷食男6大特徵分析，一於睇吓你個男人有冇以下舉動及特性。特徵一：經常自娛，簡單嚟講就係性慾旺盛。特徵二：經常將「我想啪啪啪！」呢句話掛喺嘴邊。特徵三：有個管束嚴厲嘅女友或老婆，因為想逃離束縛，所以會去偷食。特徵四：獵犬般嘅觸覺，不管行到邊，佢哋嘅目光總係會不停喺周圍搜索，而唔會只望住你。特徵五：經常玩自拍並鍾意放上社交平台分享。特徵六：擁有特別大嘅男根，男士因此會覺得天生巨物唔用好嘥，對陌生女士則甚具吸引力。分析稱只要男士符合以上6個特徵就必然會出軌，你嘅男伴係咪有齊晒呢？
催眠係日本AV嘅特別題材之一，片中嘅女優喺男優催眠下，會瞬間化身成淫娃，而呢個題材就引起日本官能小說家大泉里香嘅興趣，決定問吓日本女士接唔接受到被男友或老公催眠後啪啪啪。結果喺197名參與調查嘅女士中，有59%稱對呢種玩法冇興趣，當中更有39%嘅女士明言絕對唔想玩。究竟係乜嘢令佢哋覺得抗拒？佢哋覺得喺無意識嘅情況下啪啪啪，擔心對方會做可怕嘅行為，亦有人擔心事後會乜都唔記得而覺得浪費時間，唔少女士亦表示其實自己更享受做主動，若然被催眠就會相當被動。當中亦有22%覺得催眠性愛OK，及有19%覺得可怕但可以一試，有人稱催眠後性愛可以完全解放自己，令自己喺床上變得更激動，亦有人話想一試被催眠嘅感覺，認為呢種係特別嘅體驗。不過講到尾，要睇吓對方係咪個可靠嘅人囉。
撰文：魂