打牌嘅時候，係人都想鋪鋪可以食出爆棚贏到開巷，講到爆棚，寫真界娃娃臉美人岡田紗佳就有「役滿Body」之稱，日文中嘅「役滿」即係我哋廣東話嘅滿胡爆棚喇。25歲嘅紗佳擁有一副萌味十足、柔弱又可愛嘅娃娃面，但係身材則高挑又火辣，身高5呎7吋，有修長美腿，上圍亦有對天然G奶，正！
紗佳除咗係寫真女優，自小更受祖母薰陶而鍾意打麻雀，早前由日本專業麻雀聯盟，轉投到另一打個麻雀聯賽「M聯盟」，繼續以職業女雀士身份決戰四方城。好彩紗佳冇打牌打到忘記寫真迷，最近就推出最新寫真集《secret trip》，當中佢會盡情展露柔情似水又帶可愛感嘅一面，以性感內衣、泳衣登場，展露長腿、纖腰同G奶，最激係紗佳會真空上陣，只穿一件外套而內裏完全真空，讓大家欣賞其G奶幾咁飽滿又有彈性，真係大到爆晒棚呀！