邪念一到，男人就會有反應，而女人興奮時，亦會一樣，之但係如果嗰位係啱啱相識嘅男友，若然反應太興奮，會唔會令對方以為自己好鹹濕呢？呢位女網就有咁嘅煩惱，佢話：「其實我廿幾年嚟先至第一次拍拖，亦係第一次同男仔有咁親密嘅關係，即係Kiss同撫摸嗰種。可能係因為第一次，所以佢每次掂親我都會有好太反應。其實未拍拖之前，我都有留意自己其實都濕氣重o架喇，我唔知幾時會同男友上床，只係好驚佢見我嘅生理反應時，會對我產生誤會，以為我係個好隨便嘅女人。唔知大家有乜嘢方法，等佢唔會誤會我呢？」
凌詩：對方會唔會誤會你係個淫娃，其實唔係從生理反應睇，反而會睇吓你同異性嘅相處態度、道德價值觀、言談舉止等，所以你亦無謂對正常嘅生理反應咁着緊。
TamTam：第一次拍拖，生理上嘅反應敏感啲都好正常，就好似我第一次同老公拍拖咁，佢一摸我隻手就已經僵晒，呢種回憶真係好特別o架。至於生理反應嘛，你真係唔使咁擔心，除非佢係情場老手，否則佢都好緊張囉。
Simon：我用男人嘅身份同你講，冇男人會覺得濕氣重嘅女友係淫娃，反而係個相當唔錯嘅床上伴侶。當然所有床伴都係建基於長遠嘅夫婦關係出發，若然只係為咗啪啪啪而拍拖，咁嘅男人就要諗清楚。
長鬚：濕氣重同隨便有乜嘢關係呀？小姐你諗多咗喇。反而你應該少啲諗啪啪啪，用對眼同個心睇清楚個男仔，對方嘅性格適唔適合你好過。