純正果汁係無添加任何色素、防腐劑及水，而且營養豐富。而喺日本寫真界亦有一位清純度達到100%嘅新紮寫真女優，佢就係森嶋杏里，絕對令人愈睇愈醒神呀！
現時日本寫真界好多後起之秀都係走陽光活潑路線，個個都精靈調皮、活力十足，畀人一種精神奕奕嘅感覺。不過，要令男人醒神，又唔一定要活潑，純樸度十足亦可以令人懷念往時年輕力壯嘅美好日子，而今日介紹嘅森嶋杏里係咪會令大家諗起年輕時代溝過嘅純情鄰家少女呢？
森嶋杏里年方18歲，被寫真界形容為純樸度達100%，予人一種無比清純整潔嘅感覺，但係身材方面卻相當姣好曼妙，S形嘅胴體前凸後趷，腰肢亦纖巧柔軟，絕對係集天使面孔與魔鬼身材於一身，好難唔令人心生邪念！
喺今年4月森嶋杏里加入寫真界，而令佢夠膽賣弄性感嘅動力，係因為佢成日都見到雜誌封面上出現同屬一間事務所嘅師姐林由美、桃月梨子以及川崎彩等，所以希望可以親身一睹佢哋嘅風采。
而最近佢係訪問中表示，喺初出道呢段日子面對過唔少困難，例如早前去到海灘、泳池等戶外環境拍攝，由於天氣清涼，自己又着得少布，真係凍到打冷震，之但係見到前輩們個個都能夠談笑自若，而且好努力咁展露笑顏及擺出各種甫士，更主動向佢慰問同鼓勵，令杏里即時醒神晒，兼且從佢哋身上學習到寫真女優嘅專業精神！
另外，杏里話未來除咗會好好克服不同困難，亦要克服大懵嘅性格，佢試過有一次出外拍攝嘅時候，揸住電單車唔小心衝咗落田，架電單車損壞程度唔輕，幸好佢就冇乜大礙，只係玉腿擦傷咗少少。嘩！阿妹你下次就咪揸電單車喇，叫我載你吖嘛！
簡介：森嶋杏里喺社交網會透露好多自己平時飲飲食食、享受生活嘅點滴，想知道阿妹去咗邊度吃喝玩樂，可以Click入去睇睇喇！
網址：https://twitter.com/anchuu_122
年齡：18歲
身高：5呎1吋
三圍：32C-22-33
撰文：賢