乜嘢叫做最正嘅性愛？有「萬人斬」之稱嘅人氣AV男優清水健就話雖然冇一個標準嘅答案，但只要掌握到當中嘅竅門，每個人都能夠體驗到最滿意嘅性愛，因此佢將醫學理論及豐富嘅啪啪啪經驗，推出呢本《SHIMIKEN's BEST SEX 最高的性愛強化講義》。書中分為11個章節，同時亦係11個循序漸進嘅課程，教大家點樣先從最基本嘅事前準備出發，再到完事後嘅後戲。
第一章指出，事前千祈唔好抱住「我一定要有高潮」嘅諗法，反而要好好觀察對方嘅反應，並且用身體作為溝通嘅橋樑。跟住探討事前係咪一定要沖涼嘅問題，然後講解各種愛撫、前奏舌技及體位，最後後戲部分，教授透過乜嘢方式令對方有回味嘅感覺。除咗用文字解說外，更有唔少插圖，等大家更能掌握當中技巧，絕對係一本床上實戰教材。