三千年一遇又索又萌

偶像級女優 簽影迎聖誕

日本AV片廠好鍾意用「百年一遇」、「千年一遇」等一類詞語，嚟凸顯該女優好索，不過講到最誇嘅，莫過於號稱「三千年一遇正統派女偶像」嘅夢見照歌！佢喺1998年12月5日於東京出生，今年4月以million專屬女優身份出道。而佢嘅正統派女偶像身份並非吹水，皆因佢曾經係日本女團「SAY-LA」成員，但2015年因違規而退團。至於係咪三千年一遇？睇相就真係勁索，加埋對33C美乳更係萌味十足。如果想喺現實中見識一下呢位偶像級AV女優，家陣就有機會喇！因為夢見照歌將於12月24日下午5點半，於秋葉原舉辦簽影會，由於當日係平安夜，故此簽影會仲會有特備節目，等粉絲可以開心迎聖誕。參加方法好簡單，只要喺指定影碟店買佢套新作《先生，請告訴我甚麼是「中出」》，就能換取入場券。人數限定60位，先到先得呀！

眾籌出暗黑娃娃寫真集

口枷屋Moira（口枷屋モイラ）從美股Cosplayer到開埋公司MOIRA DESIGN生產自家設計Cosplay衫，佢嘅發展不知令幾多Cosplayer羨慕。不過隨住佢喺2017年結婚生仔，於是搵嚟另一位美股Cosplayer Akaneko（あかねこ），擔任二代目口枷屋Moira至明年3月為止。Akaneko出晒名勁鍾意居日英國藝術家Trevor Brown嘅暗黑娃娃風格，跟向來專攻Cosplay服裝嘅MOIRA DESIGN理念接近，於是Akaneko得到該位藝術家授權下，以性感演繹名為「Trecos」（Trevor加Cosplay）嘅風格，早前更喺日本眾籌網站Campfire為首本以「Trecos」為主題嘅寫真集集資，而呢個決定亦得到一代目嘅支持。事實上Akaneko成為二代目前，佢本身已憑性感造型，喺Cosplay界有相當人氣，而作為佢卸任二代目前嘅寫真集，眾籌目標價為30萬日圓，而距限期仲有成個月，睇嚟目標唔難達到。

唔進入都好滿足

乜嘢叫做愛？兵器會進入蜜洞係常識吧。不過原來對某啲女士嚟講，性行為唔代表要有「進入」嘅動作。日本官能小說家大泉里香早前以「進入」為題，睇吓喺日本女性眼中，性行為係咪一定要「進入」，而結果都幾出人意表。喺459名參與調查嘅女士中，有40%表示有「進入」至算係性行為，卻有46%表示接受到冇「進入」嘅性行為，後者竟然佔多數。認同「進入」行為嘅女士認為，望住男伴埋頭苦幹，同埋蜜洞所帶嚟嘅快感，呢啲至係性行為嘅真諦。不過接受冇「進入」行為嘅女士卻認為，男女間嘅手部同口部動作，都可以令彼此有性快感，當中嘅樂趣亦非進入行為可媲美。不過最古怪嘅係有女士提出，其實愉虐行為亦唔使進入，就可以令男伴勁興奮，而佢喺調教對方嘅過程中，感覺更係超正。

撰文：魂