男人梗係鍾意睇波，但係今次所講嘅係足球，皆因坊間有唔少調查指，鍾意睇波嘅男士喺大賽進行期間，一係提唔起性趣，一係會表現會求其。不過，呢位女網友又唔係咁睇，佢話：「公司嗰班阿姐，個個都話鍾意睇波嘅男人唔要得，其中一個阿姐話佢老公每次睇波都匿喺書房睇，懶理佢一個人瞓。另一個阿姐就話佢老公每日同佢講嘢唔超過20句，但係佢同舅仔講波就可以講成幾粒鐘。不過我男友又唔係咁喎，睇波時佢都超興奮，贏波後必然同我啪啪啪，輸波仲會做多場，有時我會趁佢睇波時挑逗吓佢，到中場休息時佢就忍唔住同我開波。有次我仲着件特製波衫同佢一齊睇波，佢望住我件波衫，差啲連波都唔睇就想即刻開波。其實我覺得鍾意睇波嘅男人幾好吖，只要唔賭嘅話，都係一種健康嘅娛樂，總好過佢日日睇AV同飲酒啦！」
阿Jane： 結婚前，我覺得男友係波迷好有安全感，但係結婚後，個衰佬每次睇波就乜都唔理，碗又唔洗地又唔拖，阿囡喊都唔睬，你話我係咪應該嬲到熄佢掣先！
Gin Lee： 我估你應該同男友仲係熱戀期，至會覺得係生活情趣。如果你好似我隻佬咁，用邊個國家拎世盃冠軍嚟記住個仔嘅生日，歐聯邊隊奪冠嚟記住幾時同我去旅行，你就會變得好無癮囉！
鵰嬋： 睇波又真係唔好賭波，就算賭嗰十幾廿蚊都唔好。我前男友就係不知不覺咁賭大咗，最後孭住成疊數走埋佬，好彩我走得快咋！
波兒： 又唔好咁一面倒話鍾意睇波嘅男人唔好，我老公好鍾意睇波，但係佢不知幾體貼，佢會等我瞓咗覺，然後一個人出廳睇錄播，有時我都會同佢一齊睇開心吓。