對於色情，睇都嫌未夠，仲可以聽出高潮添！未試過嘅唔好咁快下定論話唔得，況且開發聆聽色情，其實主要係針對女人，唔關男人事！點解有鹹片唔直接睇，要搞啲音頻色情網站呢？據色情網站「Quinn」創辦人Caroline Spiegel表示，多年來社會都忽略女性嘅生理問題，全球色情網站完全傾向男性，對女性唔公平，甚至係剝奪女性嘅性自主權，即使女性觀看色情娛樂資訊，畫面上嘅女主角會對女性造成身體形象壓力，因此透過開發純文字和聲音平台，令女性可以更容易代入情節，百利而無一害呀！
至於效果又如何呢？「Quinn」由年初推出以來，各大歐美媒體對此嶄新色情音頻網站係有讚冇彈，目前都仲係免費任聽。但作為男人，睇慣色情畫面，細佬聽咗過幾段音頻後，堅係悶到性慾都喪失埋，冇咩事我都係返出嚟做嘢先喇！