咪以為AV女優只係識得啪啪啪，其實佢哋不乏多才多藝之輩。好似引退咗三年嘅波神沖田杏梨，就透過眾籌推出人體彩繪寫真集，仲要係自己兼任彩繪師同模特兒。睇嚟引退後嘅佢，生活相當精彩呀！
唔少人都好奇AV女優引退後嘅生活係點，而有「人類最強Body」之稱嘅沖田杏梨早前就喺日本眾籌網站Campfire，集資推出名為《Happy Boddy Painting》嘅人體彩繪寫真集。人體彩繪，當然要搵個好身材嘅模特兒，而沖田杏梨稱除咗搵嚟擁有33F巨乳嘅寫真女優伊東美月做模特兒外，佢自己亦親自上陣，仲事先張揚畀埋彩繪後嘅效果相大家睇。其實沖田杏梨搞彩繪並唔係亂嚟，事關佢嘅畫技有相當實力，不但喺IG同Twitter分享畫作，仲喺YouTube嘅個人頻道上教人畫畫，真係勁o架！加上佢喺上年4月30日誕下女兒後，上圍從40K升Cup再發育到超巨嘅41L，睇頭絕對十足！今次佢哋集資金額為500,000日圓，但最後埋單只集資到約41%金額，要見識沖田的人體彩繪魅力惟有等下次了。
日本特攝片有唔少經典之作，只係講到R15嘅經典作品，就唔可以唔提喺1999年推出嘅《愛之戰神 PARUTEON》。所謂R15，即片中有露兩點而冇啪啪啪場面，而被稱為元祖R15特攝片嘅佢，當年由女優Izumi主演，1999年重新推出嘅《愛之戰神 PARUTEON R》則改由川島由佳演出。日本R15特攝團隊Center Island為紀念呢套經典作誕生20周年，就喺眾籌網站Campfire舉辦眾籌，目標喺12月17日前籌集70萬日圓，用以製作最新一輯《愛之戰神 PARUTEON 2020 Olympia》，而睇片名就知套片係以東京奧運為故事背景啦！據團隊稱佢哋已經買咗原著版權返嚟，仲已經製作埋片頭同主題曲，認真夠誠意。之但係講到主演嘅女優，團隊稱正喺四位女優中挑選，仲保證一定有鹽花添。如果成功眾籌嘅話，作品將喺明年6月推出。
喺今年3月於「Sky PerfecTV成人大賞」中榮獲Ondemand獎，又喺上個月舉辦嘅「GEO TV × MEN' S CYZO ADULT AWARD」獲騎乘部門提名嘅人氣AV女優紀見步實，終於喺千呼萬喚之下，決定喺下個月15日於福岡縣舉辦簽影會。點解會話千呼萬喚呢？皆因呢位喺1994年3月7日於千葉縣出生，擁有31F巨乳嘅女優，自9月中舉辦過簽影會後，就一直忙於為「GEO TV× MEN' S CYZO ADULT AWARD」拉票，結果搞到唔少粉絲話好掛住佢。不過有粉絲卻指佢並非為順應民意至舉辦簽影會，查實係為宣傳佢喺11月底推出嘅新片《可愛的蘿莉天使》而設，而作品仲分為限定版同普通版推出，而只有限定版先有得入場。不過紀見步實則稱如果為宣傳，係唔使等到12月中至搞簽影會，佢只係想透過呢個機會同粉絲接觸。真係信不信由你囉。
撰文：魂