踏入30歲，對於好多女性嚟講可以話係一個重要嘅心理關口，因為一旦過咗30歲都仲未嫁人，好容易隨住年紀愈來愈大，變得年老色衰，結婚嘅機會就會愈益減少。早前，大波妹伊藤詩穗乃本身都諗住喺30歲就封胸，好彩未有成事！
所謂少壯不努力，老大徒傷悲，好多事情都要趁早做趁後生做，更加要持之以恒咁去做？到底係咩事咁緊要？當然係做運動啦！近年日本寫真界好多女優落力做健身運動，練到副身材激凸又苗條，好似近期人氣高企嘅朝比奈祐未、奈月紗奈咁，而犬童美梨乃仲參加埋健美小姐比賽添！
至於今日同大家見面嘅伊藤詩穗乃同樣都係健身愛好者，今年已經30歲，樣子艷麗逼人且帶點令男人心如鹿撞嘅姣味，同時又不失甜美可親嘅感覺。詩穗乃嘅身材高挑纖巧，腰幼臀圓之餘，上圍嘅G Cup美巨乳夠晒堅挺且軟彈適中，呢副身材之所以咁Fit又曲線迷人，全因經常做健身運動，所以話運動對於女士保持身材苗條係咁重要。
不經不覺，伊藤詩穗乃已經出道同觀眾見面有11年日子，初出道嘅時候詩穗乃並唔係拍寫真，而係做搞笑藝人，但係有一點至今不變嘅係當時一樣會賣弄性感，同好拍擋永島清佳組成嘅二人組合「魔女KKO」，每次出場幾乎都係坦胸露乳，只係用雙手遮住兩點。組合成立5年之後解散，詩穗乃就全力進軍寫真界。由於詩穗乃副偈實在太索，所以曾經試過推出4部作品，4部都能夠搶佔網購網站亞馬遜嘅寫真碟銷售冠軍位置，認真厲害！
不過，詩穗乃就曾經講過，年滿30歲就會封胸唔拍寫真，而今年正正係佢30歲嘅時候，到底係咪真係會喺寫真界畢業呢？個人認為唔會！因為今年詩穗乃照舊推出水着寫真集，早前更加因為日本隊喺欖球世界盃當中成功殺入決賽，而特意換上搶眼嘅紅色泳裝拍照以示支持同慶賀，相信詩穗乃依然會為大家作性感演出，將其健美又大波嘅極品身材繼續盡情展露！
簡介：伊藤詩穗乃喺社交網分享自己嘅工作情況，亦會分享做健身運動時嘅自拍性感照，必定大飽眼福。
網址：https://twitter.com/itoshihono?lang=ja
年齡：30歲
身高：5呎6吋
三圍：35G-23-34
撰文：賢