每次聽到「一桿入洞」呢個高爾夫球術語時，心邪嘅男士總會諗起另一樣嘢。不過講到洞Hole，喺英文情色世界中，又係唔係同華語世界一樣，都係暗指女士身體某個部位呢？
性愛可以用到嘅窿一般嚟講有三個，而呢三個窿喺英文情色俚語中就被稱為「Hole」，只係最初嘅「Hole」其實並唔係包括晒呢三個窿，僅限於指女性蜜洞。不過隨住時間嘅發展，所以亦包括埋後花園，然後再慢慢伸延埋口部。話時話，「Hole」從幾時開始具有暗指蜜洞嘅意思呢？咁就可以追溯到16世紀時嘅英國。當時嘅人會用「Hole of Holes」嚟暗指蜜洞，只係呢個俚語譯番做中文嘅話其實幾有趣，皆因意思係「眾洞之中嘅洞」，係咪好婉轉呢？
乜嘢叫做重口味嘅玩法？「All Holes Sex」絕對係其中一種，而佢嘅玩法係點其實亦都唔難估，對老司機嚟講相信一定知道係邊幾個洞。不過大家要留意，「All Holes Sex」除咗指三孔全開外，更限於一女三男嘅集體群戰。據稱呢個俚語嘅出現，係同美國四仔界有關。原來最初「All Holes Sex」係佢哋嘅業內術語，等參與演出脫星知道等陣會拍啲乜，讓佢哋先做足準備。有資深四仔導演表示，「All Holes Sex」其實係最難拍嘅鏡頭，因為要同時捕足到三組動態並唔易。
演藝界有明星，脫星界亦有明星，好似呢套由Pleasure Productions喺2005年12月推出嘅四仔《The Money Hole》，從導演到一眾演出脫星，個個都係明星級。由著名四仔男優兼導演Cash Markman執導，並以天后級脫星Nikki Benz為首，配合Felicia Fox、Tanya James等多位人氣脫星演出，講述明星級男優Randy Spears有日諗到一條發達橋，於是搵埋一班索女齊齊搵食。憑住騎呢劇情加火辣演出，不但令呢套作品深受四仔迷歡迎，更將Nikki Benz嘅人氣推上高峰。呢位喺1981年
12月11日於烏克蘭出生嘅加拿大裔索女，喺演出四仔前本為泳衣模特兒同脫衣舞女郎，2002年被四仔導演Jim Gunn發掘並開始四仔事業。事業生涯中不但獲多個四仔獎項，2016年更入選AVN名人堂。
洞，喺日文中可稱之為穴，而講起穴，唔少AV迷都知日本AV經常以二穴或三穴為題材，只係講到呢類題材嘅代表女優，絕對唔可以唔提晶艾莉。呢個名可能唔係有咁多人識，但如果講佢另一個藝名「大澤佑香」，相信好多AV迷都會識佢。呢位喺1986年12月22日於東京出生嘅敍利亞同日本混血兒，喺2005年7月用大澤佑香之名，以KUKI專屬女優身份出道，並喺同月推出AV處女作《初花 -hatsuhana-》。當時嘅佢以純情女孩形象登場，點知喺KUKI調教下，冇幾耐就被打造成癡女，喺2008年開始演出二穴片，其後更喺2009年中演出埋三穴片，跟住佢密密演出三洞齊開嘅AV。2012年8月佢宣布引退，卻喺2013年7月以「新井艾莉」之名回歸AV界，再喺今年9月改回晶艾莉藝名。
撰文：魂