正所謂人不可以貌相，好多女仔外表睇落斯文，但係接觸過後先知道原來講嘢好粗魯。日本寫真界新貴神部美咲同樣令大家估佢唔到，唔係話佢骨子裏粗鄙，而係原來佢好打得o架！
無論係賽車場定係擂台都可以話充滿剛陽味道，為咗中和一下氣氛以及為觀眾帶來眼福，喺休賽時段通常會安排賽車女郎同舉牌女郎出場，為大家展示一下性感美態，而剛剛加入寫真界嘅神部美咲就係知名嘅拳賽舉牌女郎喇！
今年25歲嘅神部美咲擁有花容月貌，散發出一種出塵脫俗氣質，令人心醉神迷，睇落仲有幾分似昔日嘅寫真天后今野杏南添！無獨有偶，美咲唔單止具有與今野杏南嘅秀麗氣質，身材亦同樣曲線誘人，一身白雪雪肌膚，加埋前凸後趷嘅身材相當吸引，一對天然D奶以及又圓又挺嘅桃子形玉臀，實在係由頭到腳都令男人着迷。
美咲曾經參加過日本地球小姐比賽，雖然只得到「特別獎」，卻憑住出色表現成功引人注目。美咲外表端莊斯文，談吐溫文有禮，因而被睇中獲邀拍廣告，近年亦成為唔少網台節目嘅主持，唔少網民都大讚阿妹唔單止令節目添上美色誘惑，亦會令旁邊嘅男主持講少咗好多廢話，令節目嘅欣賞價值倍增！
不過大家唔好睇美咲咁弱質纖纖，原來佢自小練習柔道，之後更努力練習空手道添！有咁深厚嘅習武底子，難怪美咲以拳賽舉牌女郎身份縱橫咁多拳賽，對住班雄赳赳嘅拳手都咁淡定啦！
簡介：神部美咲近期投身寫真界，喺佢嘅社交網就可以睇到好多性感水着照片，想先睹為快就要多留意喇！
網址：https://twitter.com/jimbumisaki
年齡：25歲
身高：5呎4吋
三圍：33D-23-34
撰文：賢