異性相吸嘅道理唔少人都明，尤其係型男索女嘅吸引力更大，咁佢哋嘅下一代能否將優良基因遺傳下去呢？女神級AV女優明日花綺羅似乎提供了強而有力的答案，佢父親原來正正係個型男，難怪生得阿女樣靚身材正喇！
有人話基因遺傳好緊要，索女必有型爸或索媽，究竟遺傳基因係咪真係咁勁？日本超人氣AV女優明日花綺羅，不但個樣勁索，35G巨乳更迷倒唔少AV迷，雖然佢自去年5月宣布AV無限期休業，但仍不減佢喺AV界嘅人氣。話說佢今個月初於Twitter上分享童年照，細細個已經萌味爆燈嘅佢固然吸睛，但卻估唔到當中亦有入鏡嘅老竇，竟然成為網絡熱話，事關唔少人發覺原來明日花綺羅嘅老竇，年輕時原來係型男一名！唔少網民都讚呢位爸爸當年勁有明星相，有人更問佢點解佢老竇後生時唔進軍藝能界。明日花綺羅亦相當識做，跟住再上載多幾張佢老竇年輕時嘅甫士照，令人大嘆佢真係得到父親嘅優良遺傳。
「美少女轉身變，已變成……」唔係戰士，係避孕套呀！話說今年係日本人氣動畫《美少女戰士》面世25周年，除咗有新劇場版電影推出，最近更同日本厚生勞動省及岡本避孕套合作推出避孕套。據稱呢次合作嘅目的，係為咗宣傳預防性病，而呢個咁特別嘅《美少女戰士》避孕套，已喺兩場推廣活動中免費派發，唔少網民第一時間將避孕套擺上網。其實當消息一出，唔少日本網民都相當驚訝，雖然呢套動畫之前亦曾經同衞生巾生產商合作推出產品，但係出避孕套卻令人意外，亦有男網民問點解唔同其他男士鍾意睇嘅漫畫合作。不過亦有唔少日本網民勁撐呢款產品，仲話雖然呢個《美少女戰士》套套上並無美少女圖案，但仍期待男士戴上後，真係會變成戰士喎。
有啲調查睇完得啖笑就夠，認真便輸了。話說瑞典情趣用品品牌LELO，最近喺英國做咗個關於唔同行業人士，喺性愛頻繁度及性愛表現嘅調查，結果最常啪啪啪嘅行業係農民，皆因佢哋當中有超過33%嘅受訪者，每日至少啪啪啪一次。至於第二名順序數落去，分別係建築師、理髮師、廣告業從業員。至於邊種行業最多人認為自己嘅性愛表現勁到令人難以置信，排名第一嘅仍係農民，當中有67%表示佢哋性愛表現超強，跟住落嚟分別係有63%嘅醫生，43%嘅建築師，及40%嘅記者。性學家Kate Moyle認為農民之所以性愛咁積極，可能係同佢哋經常要進行體力活動有關，相對辦公室工作嘅人，佢哋有更強健嘅身體同精力。另外工作時間同環境，亦係影響性生活嘅因素。
撰文：魂