財金界好多人都財技驚人，唔少人都靠買殼賣殼發達，日本AV廠SOD專屬女優中嘅人氣小花小倉由菜，亦將會搞活動瞓身賣殼，不過今次就唔係賣上市公司嗰種殼，而係手機保護殼！小倉由菜呢位可愛又姣到出汁嘅白滑小花，近期人氣高企而且活動多多，成日都參與大大小小嘅宣傳活動，令人氣進一步提高，最近一家W字頭嘅多功能手機殼品牌就同SOD合作，而主打嘅女優就係由菜喇！喺10月19日兩間品牌合作搞嘅宣傳活動當中，由菜將會同各位粉絲見面，當中有對談時間又可一齊玩遊戲，亦有攝影會環節。
不過，由菜咁瞓身娛樂大家，都係希望粉絲們可以幫襯買今次主力推銷嘅手機殼，而呢款機殼可以隨意更換印有不多圖案嘅外層，今次則會推出印有小倉由菜個樣嘅手機殼外層，粉絲買咗就可以成日都見到佢喇。由於手機殼只係適應於iPhone智能手機系列，對於Android手機用戶嚟講似乎冇用，不過有興趣同由菜見面亦不妨參加一下。