情侶之間相處好多時都要面對舒適圈嘅挑戰，其中一個就係要畀對方知道自己嘅性喜好，好似有人鍾意晚上開波，有人則鍾意玩情趣玩具等，只係呢位女網友卻好擔心，如果畀男友知道自己嘅性喜好，會嚇親對方。佢話：「之前同Ex係由朋友變情侶，所以我唔怕同佢講我最愛吹口琴，嗰種感覺真係超正。不過現任男友就唔同，我哋係喺交友App識，老實講我都冇諗過關係會發展得咁快，最近仲同居添，每次都好想佢服侍我，只係佢性格保守，驚同佢講會嚇親佢，唔知大家有冇辦法等我可以暗示畀佢知呢？」
Ella：方法好簡單啫，用蜜糖之類搽喺身上，男友見到你咁做，除非佢好蠢啦，否則都知道你想點，然後佢自然會識做啦！
Aunite：我都勁鍾意老公服侍o架，嗰種感覺就好似觸電咁，超正！其實我同老公都係喺交友網識，我冇特別同佢講我最鍾意咁玩，只係有次我示意佢咁做，佢見到我勁High，就知道我超鍾意。
松松：以我個人經驗嚟睇，你嘅問題反而係唔確定現時兩人嘅關係，正如你話齋，關係好似發展得太快，呢點先至係重點。
Smash：我唔覺得要特別講囉，男人喺慾火焚身一刻，你叫佢做乜都得o架啦，直接同佢講啦，唔使驚喎！