冷與熱混合體

日本電玩《戰場女武神》系列嘅初代作,自2008年4月24日於PS3推出後,憑住戰略性及高質嘅人物設計,成為人氣作品,尤其係當中迷人嘅女角色深受歡迎。今次最新登場嘅模型,正係嚟自呢個系列其中一位人氣女角色尤莉雅娜‧艾貝爾哈特。

作為貴族名門艾貝爾哈特家千金,又係精英部隊A班嘅班長,佢擁有極高嘅自信同領導能力,而呢點從佢傲慢嘅表情可以睇得出。今次模型從佢仰視他人嘅動作,展現出高傲嘅個性,而冷傲得嚟,卻以超性感嘅泳衣,展露出火辣無比嘅身材,絕對係冷與熱嘅最佳混合體。超激凸嘅豪乳固然係最大焦點,但係當大家細心啲睇嘅話,更會留意到佢一對豪乳嘅造工相當精妙,有種栩栩如生嘅感覺,加上出色嘅身材比例,絕對係個高質嘅作品。

全高:約250mm

售價:¥15,984(約HK$1,167)