早前韓國網上流傳一位女網民表示，男友係某隊女團成員嘅鐵粉，有次竟然喺啪啪啪途中嗌咗女團員個名，搞到佢㷫爆走人。呢單嘢睇嚟係個笑話，但如果當笑話變成真實嘅話，又點算好呢？呢位女網民稱男友好鍾意某位AV女優，點知有次佢竟然嗌咗女優個名，搞到唔知好嬲定好笑。佢話：「同男友拍拖冇幾耐，就知佢儲埋好多某位AV女優嘅作品，而我覺得呢個習慣冇乜問題，只要唔好太沉迷就算。有次我哋一齊行山，行到山頂時佢竟然大嗌女優個名，當時我笑到碌地。點知有晚啪啪啪時，當發射升空一刻，佢竟然又大嗌女優個名，當時我呆咗，過咗幾秒先至問佢，你當咗我係嗰位AV女優呀？佢即刻向我道歉，解釋話係一時情不自禁。之後我愈諗愈覺得唔對路，其實佢係咪心理有問題呢？」