講到人氣後宮題材作品，1992年至1994年播放嘅動畫《天地無用》係其中之一，為慶祝作品誕生20年，於2014年播放新系列《愛‧天地無用！》，當中一眾女角色個個都成熟咗唔少，尤其係人氣最高嘅宇宙海盜魎呼更變得有女人味。為咗應一眾粉絲需要，魎呼嘅最新模型將會登場，同時帶畀粉絲新鮮感，以性感兔女郎造型示人。先講吓佢個樣，同動畫中嘅樣貌有9成相似度，修長嘅美腿喺黑色絲襪嘅襯托下，散發出濃烈嘅女人味。不過講到模型最大嘅吸睛位，莫過於一對呼之欲出嘅巨乳，當中嘅深溝更係令人妄想不斷，不論係咪粉絲都會情不自禁。