繼前年女神Dani Daniels進軍藝術界，跟住搞咗個清談飲食節目《Dinner With Dani》後，最近佢又有新搞作，就係將會喺YouTube開直播，廣邀多年業界知心好友上台輪流吹水，而頭炮嘉賓就係佢嘅光頭老公Evil Genius Vic，喺接近一粒鐘齋吹水冇動作嘅直播片段中，見到Dani妹同Vic兩人坐到離行離迾好似唔識咁，加上全程雙方都冇眼神交流，不禁令人懷疑佢哋係「政治婚姻」囉！
而睇番雙方嘅社交網，女神係勁少分享同老公嘅生活點滴，反而Vic生就日以繼夜事無大小喪晒恩愛，又唔奇嘅，話晒女神嘅市場價值仲好高，社交網用嚟搵食㗎！但又出奇嘅係，呢段吹水片話就話解答一眾網民對佢哋感情關係嘅疑問，但主要係老公訪問老婆嘅「脫星之路」，睇嚟細佬都無法參透佢哋想點。不過放心喎，嚟緊仲有Stoya、Alexis Fawx等經典脫星做嘉賓，記得𥄫實喇！