寫真女優及性感Cosplayer都係有樣有身材，若然佢哋能夠同場拍寫真就真係正，最近有兩位分屬上述兩個範疇嘅日本索女就嚟個合作，讓大家夢想成真！另外，日本有個調查係睇吓素人AV女優同職業AV女優嘅胸器邊個大啲，結果係點？依家即刻睇睇喇！
以前日本寫真界被寫真女優雄踞，近年卻被青春又性感嘅Cosplayer分一杯羹。雖然兩個唔同界別嘅索女各有擅長，但如果分屬兩個唔同界別嘅索女一齊登場嘅話，絕對係令人大飽眼福！
日本男士雜誌《週刊Playboy》早前就搵嚟巨乳寫真女優似鳥沙也加，以及憑住超萌氣質Cosplayer Enako合作，以童話角色為主題拍攝一輯寫真，不但促成兩位喺各自界別極高人氣嘅索女合作，而超性感嘅造型更係相當養眼。須知道寫真女優界紅人似鳥沙也加，不但擁有一對35G迷人胸器，其露肉度相當高嘅寫真更係超正；至於Enako不但係Cosplay界嘅女神，身材同樣相當有睇頭，輕露一下乳溝已經迷倒一眾男士，梗係成為鏡頭嘅焦點啦。
日本AV女優大致可以分為兩種，一種係素人AV女優，另一種則係職業AV女優，前者係兼職，後者則係專職演出AV。因為素人AV女優出片量唔穩定，有啲只拍一部就消失，令AV迷懷疑佢哋係冇本錢喺AV界搵食，例如胸部唔夠大等。
經常拍攝素人AV片嘅MGStage為此分別綜合1,070名演出一套以上嘅素人AV女優，同130名職業AV女優嘅Cup數進行分析，結果發現素人AV女優當中，上圍擁有C Cup嘅有百分之三十點七，D Cup嘅有百分之二十三點六，E Cup嘅有百分之十七點五；而職業AV女優嘅Cup數順序為百分之二十四點四，二十五點二同二十點六。雖然C Cup以素人AV女優佔優，但D Cup以上胸量則以職業為多。不過有日本AV迷睇過調查後，就話其實胸量只係一個參考標準，要睇埋佢哋夠唔夠索，同埋床上演出先至可以界定邊種佔優。
男人之所以一把年紀仲係單身，係因為樣醜，定係冇錢又冇樓呢？英國約會App公司The Inner Circle最近訪問咗1,008名單身男女，調查佢哋同異性相睇約會失敗嘅原因，結果發現有百分之五十七受訪男女表示係腳臭，皆因令人產生欠缺衞生嘅唔好印象，同埋會影響約會嘅心情。
其次係有百分之四十男女指係喺白天大量飲酒，因為大量飲酒會予人一種酗酒或冇自律性嘅感覺，約會唔失敗就奇。第三位係大汗，有百分之三十八男女覺得大汗所產生嘅異味非常難頂，濕漉漉嘅感覺亦令人好唔舒服。跟住順序落去嘅係穿着緊身三角褲、鬍鬚上留下防曬霜嘅痕迹、着背心、着人字拖同花粉症等。當中最令人摸不着頭腦嘅係，點解女士會咁討厭男人着緊身三角褲呢？真係諗唔明。
撰文：魂