係四仔迷都知，四仔廠Vixen老闆Greg Lansky出品從來都係不惜工本，私人豪宅、直升機、遊艇及超跑等等盡出，或者你都睇到慣，而最新推出嘅四仔竟然玩花海呀！由未成為一線脫星嘅Lexi Dona擔正女主角，不惜遠赴希臘及西班牙取景，為嘅只係一幕囡囡喺薰衣草花田奔跑以及同男優親熱嘅場面，更搵嚟脫星經理人公司嘅老闆娘Julia Grandi首次執導，都咪話唔嘥料！
之但係Greg Lansky接受傳媒訪問時只係輕輕咁表示：「拍唯美四仔係佢最耍家」，意思係使錢冇問題，最怕大家唔識貨咁囉！老老實實，細佬暫時只睇過預告片，至於內容係咪堅精彩經已唔再重要，事關動員咁大班製作團隊出埠拍四仔都夠晒Noise，亦可以做到帶動作用，令其他四仔廠咪再Hea拍呃飯食囉！