愛情故事一直係日本十八禁遊戲受歡迎嘅題材，而呢隻由Lump of Sugar推出嘅《若葉色的四重奏》，不但以戀愛為主題，更加入後宮式嘅招牌玩法，配合一眾萌味十足嘅女角色，吸引度大大提升。故事發生喺一個海邊嘅虛構城市戶津田市，男主角夕斗如常過住安穩嘅生活，點知有日喺路上遇到兩位神秘索女，其中一位自稱守谷日和嘅索女，原來尾隨咗夕斗好耐，更主動要求成為夕斗嘅女僕。另一位索女嘅來歷更加離奇，皆因佢係嚟自獸耳之國嘅公主，唔怕醜咁向夕斗示愛。不過呢日嘅奇遇仲未完，因為青梅竹馬嘅峰岸竟亦喺同日跟夕斗示愛，突如其來嘅多角戀，令夕斗過住性福無邊嘅生活。