「Disney昔日童星Bella Thorne投身色情工業？」早前呢單新聞震驚外國娛樂圈，由童星紅到家陣嘅21歲美國性感女星Bella Thorne同成人網站Pornhub合作，執導成人電影《Her & Him》，下個月正式喺Pornhub首播。留意番，Bella Thorne係純粹執導並冇落床參演，至於點解佢要踩入四仔界呢？佢喺訪問片中並冇明確交代原因，但傳媒就認為係因為6月時，Bella Thorne喺Twitter表示被黑客入侵，要挾將其私人裸照及短片公諸於世，最後佢忍無可忍，實行踩入四仔界，粉絲當然大力支持啦！至於四仔作品質素如何？老實講，睇預告片「斬頭斬尾」唔知內容講乜，只見到有好多場床戲，而女主角係辣妹Abella Danger，如果大家有興趣就捧吓場啦！