遇上尷尬嘅時刻，有時真係會令人措手不及。呢位男網民早前第一次上女友屋企見世伯伯母，佢話：「食完飯後我就同Auntie及Uncle坐喺梳化傾偈，突然Auntie話要拎佢後生時Uncle幫佢影嘅寫真相畀我睇，當時我見到Uncle有啲欲言又止，跟住Auntie就拎咗本相簿出嚟。見到Auntie後生嗰陣着比堅尼真係好性感，正當我諗緊應該講啲乜好時，突然從相簿跌咗幾張相出嚟，發現張張都係Auntie嘅裸照！Auntie反應勁快，執番啲相放入相簿扮冇嘢，然後走入房，當時面燶兼勁尷尬嘅Uncle望住我，呢一刻我終於諗到講乜，就係：『我同女友去睇戲，下次再嚟探你哋。』跟住就拖住女友離開，我梗係冇再同女友提番件事啦，怕手尾長呀！」