呢本情色小說《The Power of Writing Erotica after Midlife》作者Stella Fosse，雖然已年過半百，但係依然堅持寫「鹹古」，目標對象針對五十路以上女性，作者表示並非要嘩眾取寵博出位，反而佢深信腳踏實地，將平生所見所聞所想勇敢地分享，更會得到大家認同。而Stella推出呢本「半百色情小說」，佢表示係不忿市場向來誤導大眾，每當提起「色情」兩字時，大家都只會想起男性，完全隔絕中年女士需要，Stella有感要企出嚟為女士發聲，解放熟女感官享受權利。而呢本書唔係鼓吹女性執多幾劑，亦非更年期性愛指南，純粹係分享多個銀髮性幻想故事，有激情又有高檔，最重要係去到呢個年紀經已冇晒心理包袱，可以去得更盡！