嚟到農曆七月，呢個時候總係有好多鬼古，平時聽完呢啲古仔最多驚一陣，但係呢位男網民就話慘到冇得啪啪啪，究竟發生乜嘢事呢？男網民稱女友養咗十幾年嘅貓於幾個月前過咗身，極度傷心之下，女友拒絕啪啪啪，直至早前去旅行散心，兩人終於再嘗魚水之歡，點知就發生咗奇怪嘅事，佢話：「有晚喺啪啪啪期間，女友突然問我覺唔覺得有啲毛喺小腿度掃嚟掃去，我即刻嚇咗一跳，因為以前貓貓最鍾意喺我哋搞嘢嗰陣，跳上床喺我哋身邊走嚟走去，唔知係咪心理作用，我都覺得有啲毛毛掃我對腳，結果我哋唔敢再做落去，究竟我哋係咪太過疑神疑鬼呢？」
網友回應：
邊有咁得閒：老套啲講吖，你哋心理陰影面積大之嘛，咪疑神疑鬼啦！如果係真嘅話，你哋都冇符，更何況你哋都冇對隻貓唔住，使乜驚喎。
April：我聽過啲Friend講，話啲寵物走嘅時候係唔知自己走咗o架，我諗你嘅情況都係一樣。你咪當冇事發生，慢慢佢就會自己走o架喇。
Extreme薄：有冇咁猛呀？我覺得係吹水居多，嚇我唔到嘅！
泡泡麵：你千祈唔好擺兜貓糧喺度添呀，到時你真係晚晚等主子嚟搵你喇！講笑。