虛擬色情網站「VRPorn.com」表示由成立網站至今6年，已累積1億人次瀏覽，公司首席公關主任Lisa Moore仲話呢個數字係非常重要嘅里程碑，更成為業界嘅指標咁話！的而且確VR色情網站數量近年急速增長，亦好受歡迎，囡囡方面對拍攝VR色情亦非常受落，主要原因係快靚正，更有脫星表示情願拍VR四仔都唔再拍傳統四仔，因為由拍攝到出街都變得簡單直接得多，而多出嚟嘅時間，仲可以做直播搵錢添！因此「VRPorn.com」自稱有1億人次瀏覽唔係冇可能，況且又冇話嗰1億係註冊用戶。之但係唔信亦合情合理，事關VRPorn.com嘅官方社交網Twitter由2013年5月開始至今，都係得嗰31,730個Followers，喂！求其搵個脫星都講緊十幾廿萬個Followers啦，難怪有網民認為根本就係吹水囉！