係喇係喇，並木優退隱多年，唔應該再提吖嘛！知喇知喇，阿妹退役多年，但係佢嘅J杯繼續推出，令你愈玩愈火滾嘛！全部都收到晒，但係大家唔好一味怪責，要諗吓如非巴打嘅慷慨，並木優又如何退而不憂噃！太遠嘅唔好講，就舊年底，阿妹去完伊豆玩，喺社交網Po幾張靚圖，你以為阿妹實浸溫泉浸到甩皮，點知佢心情唔靚冇浸過喎！另外，喺今年3月3日準備踏入30歲之前，佢同姊妹飛咗過夏威夷玩足成個月預足生日，食好住好，佢住嗰間酒店叫The Royal Hawaiian，由外到內都係粉紅色，有「太平洋上粉紅皇宮」之稱，點止浪漫咁簡單，最平要成5千幾港元一晚呀！雖然唔知並木優住咗幾多晚，但係咁寫意嘅生活，你認為佢仲有乜嘢擔憂吖？