積分換獎賞大家聽得多，幫手做家務可以換積分上床啪啪啪，大家又聽過未？呢位男網民就話：「老婆一直投訴我唔幫手做家務，點知有晚食飯時，佢突然拎咗個家務積分計劃表出嚟，話如果我幫手洗碗、摺衫、晾衫等有1分；幫手買餸、去超市拎嘢有2分；拖地、洗廁所、抹廚房有3分，諸如此類。如果儲夠30分可以換一次啪啪啪機會，一個月內超過100分，前奏時送贈口舌服務，超過200分嘅話會有特別服務。起初我聽完就算，點知早幾晚想搞嘢時，佢話我依家只得零分，講完仲趕我出廳瞓，真係絕呀！從嗰晚起我努力做家務，名副其實係幸福靠雙手。」