最近有一位AV女優因為速遞服務而嬲嬲豬，佢就係AV廠Presitge嘅當家花旦愛音麻里亞。早前愛音麻里亞去到大阪進行一連兩日嘅粉絲見面會活動，一如以往有好多AV迷到場支持，場面墟冚，仲收到有好多粉絲送贈嘅禮物，咁多禮物麻里亞一個嬌滴滴嘅女子又點拎呢？於是佢將禮物珍而重之咁交畀速遞公司運送，點知麻里亞返到屋企卻發現部分禮物已損壞，搞到佢好嬲。
經過查詢之後，速遞公司就話禮物喺交到佢哋手上嘅時候就已經損壞，但係負責幫麻里亞託運嘅AV事務所人員就話冇咁嘅事，搞到麻里亞又嬲又覺得對粉絲唔住，認為點都係有愧於粉絲們嘅心意。不過點都好，粉絲們係唔會介意嘅，麻里亞你覺得對唔住班粉絲，不如搞多幾次見面會仲好啦！