見到肌膚白滑又身材婀娜多姿嘅美人兒，相信係男人都會心癢癢，好想滿足一下手足之慾，不過大家當然要克制自己唔可以咁做啦！然而，用肉眼去欣賞就絕對無妨，咁就一於欣賞一下白間美瑠呢位白肌美人啦！
今年21歲嘅白間美瑠係日本大型美少女團體NMB48現役成員，係近期活躍度及知名度最高嘅一位，除積極發展歌唱事業，亦進軍寫真界，最近就推出寫真集《LOVE RUSH》。
美瑠表示出寫真集係佢嘅心願，所以特別隆重其事，飛到澳洲取景拍攝，以黃金海岸作背景，展露充滿活力以及性感誘人嘅一面，亦會去到摩頓島帶大家尋幽探秘，而見島上四野無人，演出更加放膽，索性真空上陣，真係睇到人流晒口水呀！
書名：《LOVE RUSH》
售價：約HK$140