早前SOD旗下嘅專屬女優一姐紗倉真菜受到恐嚇，好彩疑犯已經被警方拘捕。唔知點解，今次涉嫌恐嚇嘅案件又同SOD專屬女優有關，而受恐嚇嘅就係近年人氣不斷躍升嘅纖巧女優市川雅美。上年9月雅美受到恐嚇，經警方調查之後，拉咗一名叫白木新治嘅涉案人士，結果被判緩刑。點知呢個冇天裝最近居然又搞搞震，喺雅美嘅官方社交網作出帶恐嚇成分嘅留言，仲指罵雅美係入侵別人手機嘅壞女人，結果再次被警方拘捕，今次被判邊種刑罰暫時仲未知，但係SOD就大為緊張，喺好多女優公開活動都加強保安，至於雅美嘅心情似乎就未受影響，工作表現精神奕奕。