「一二三四，二二三四」聽到呢連串嘅數字，大家都知只有做運動時先至會講，卻估唔到竟然喺啪啪啪出現呢？呢位女網民表示佢男友就有呢個習慣，佢話：「唔知點解男友有個怪癖，就係喺啪啪啪時會『一二三四，二二三四』咁嗌。有次完事後問佢點解要咁嗌，佢懶得意咁話可以幫自己Count數，睇吓每次衝咗幾多下先至會發射，而佢又懶體貼咁話，如果佢做唔到一百下或以上，係唔會畀自己發射。不過有次佢忽然同我講，其實佢數嘅原因，係因為咁樣可以當做運動。聽到佢咁講，我真係想暈，佢當啪啪啪係健身呀？男人真係無聊呀！」
中女卡洛琳：佢係咪健身教練嚟？定係健身愛好者？如果唔係嘅話，點解會係咁數呢？我明喇！佢當你係啞鈴呀！正如你話齋，佢真係有啲無聊。
BelindaWu：乜你男友會做埋啲咁破壞情趣嘅嘢！搞到咁真係乜嘢氣氛都畀佢破壞晒，如果換成甜言蜜語嘅話，感覺會好好多囉。
月之故鄉：真係唔知啲男人點諗，我隻佬仲奇怪，佢鍾意邊做邊同我講電影或電視劇情，最離譜嗰次，佢竟然同我講波！我嬲到即刻叫停，問佢可唔可以專心啲做。
原來咁樣：難怪我身邊唔少女仔Friend，佢哋都話同男友或老公啪啪啪愈嚟愈冇情趣，原來有唔少男人係咁。