最近日本AV界盛事連連，繼5月12日上演「FANZA成人大賞」後，喺剛過去嘅5月23日又有頒獎禮順利完成，呢個就係「AV OPEN」喇！今屆係邊個AV女優成為大贏家呢？即刻同大家一齊睇睇啦！
AV OPEN作為日本AV界三大盛事之一，主要係頒獎畀製作精彩嘅AV作品，每部得獎作品除咗獲大會頒發獎座，仲可以獲得獎金，一直以來都相當受AV迷以及業界重視，之不過，今屆就有少少濕滯喇！往年AV OPEN都係同日本成人博覽一齊舉行，但係上年成人博覽甩咗轆冇舉辦，搞到AV OPEN主辦方要負擔晒租借場館等費用，因此頒獎禮延遲到今年5月才舉行。亦因為成人博覽甩轆，令好多AV廠認為AV OPEN未必能夠同往常一樣咁受注目，所以參與競逐獎項嘅AV廠由上屆嘅90間減到得番69間，缺席嘅仲包括AV大廠S1添，因此令今屆頒獎禮嘅聲勢弱咗少少。
雖然聲勢弱咗，但係當晚依然係春色無邊，單係今屆形象女郎戶田真琴、園田美櫻以及櫻空桃就已經夠晒煞食！講番得獎作品，今屆又有作品連奪多個獎項，而得獎嘅就係由優月心菜主演嘅下海處女作品《FIRST IMPRESSION 131》，喺女優部門獎、粉絲投票部門作品獎、合作店部門獎都奪得冠軍，更加成為總合部門獎第一名，換言之呢部就係新一屆嘅「日本一」作品，優月心菜亦成為今屆嘅四冠王！
優月心菜又真係幾叻女，喺上年年尾下海，佢本身喺聲優界以及動漫歌手界都薄有名氣，失驚無神走去拍AV確係令人大感意外，當然挾住兩個界別嘅人氣下海，作品得以大賣，相信亦係令其作品勇奪四個大獎嘅原因。
值得留意及祝賀嘅除咗有優月心菜呢位新鮮人，仲有妹系王牌河南實里，佢除咗憑作品《私のお尻に進入れて下さい》奪得重口味部門獎冠軍，由AV迷投票決定嘅女優獎亦獲得第一名。今次實里得獎有着勵志成分，因為早幾年佢曾經以河愛杏里之名拍AV，仲係主力拍四仔添！及後改名及「變臉」，個樣靚咗，拍片又重口味，開放後花園任男優進攻，令人氣大大提升，今次得獎真係靠晒重口味演出！
此外，過往得獎無數嘅「女鬼富江」仲村美羽亦有獎攞，首部VR作品《藝能人‧仲村みう解禁VR》連奪VR-1GP作品獎冠軍以及VR-1大獎冠軍，不過佢本人神龍見首不見尾，今次又冇出席領獎，令頒獎禮失色不少。
撰文：賢