係咪每個人都會有性癖呢？今次呢位男網友因為女友嘅特別性癖而搞到好煩惱，佢話：「每次上床之前，女友都要我講一個鹹濕笑話，仲要唔可以重複。試過有次喺時鐘酒店，沖埋涼兼瞓埋喺床，仍然未諗到個笑話，咪諗住重複之前講過嘅笑話，點知佢竟然記得，鬧我冇誠意，仲嬲爆着番衫走人。至於佢聽完鹹濕笑話後又真係好有反應，濕氣仲好重添！不過我係做IT唔係搞創作，邊得嚟咁多鹹濕笑話吖，大家幫吓忙度度得唔得？」
醉咗邊度：每次都要諗笑話，睇怕你以後可以出書。話時話，你可唔可以分享一個嚟，等我同女友講吓都好。
頭擰擰：有個裸體女郎衝上一架的士度，個司機擰轉頭𥄫住佢，女郎怒罵：「你望乜嘢呀！」司機冷靜咁話：「我想知道你喺邊度拎個銀包出嚟畀錢啫！」
追咗佢十年：大佬呀！要創作鹹濕笑話唔係咁容易時行o架！樓主你為咗想啪啪啪而絞盡腦汁去諗，真係服咗你，證明慾望嘅原動力真係好偉大呀！