所以話有啲嘢真係唔可以單睇表面，好似日本有套睡衣，正面睇萌味十足，點知睇埋後面卻會發現原來相當「股」惑。不過講到誘惑，卻唔及泰國一間夜店所舉辦嘅「肉球」者聯盟之夜咁吸引喇！
正所謂「耳聽三分假，眼看未為真」，有時驟眼望落去設計好似好密實嘅睡衣，其實當中有「股」惑！講緊嘅就係由日本人氣性感Cosplayer Enako創立嘅品牌「Par la magie」，最新推出嘅睡衣系列「Dream Sheep」。
睇個名就知「Dream Sheep」係走萌系設計風格，呢款備有藍、白同粉紅三種顏色嘅棉質睡衣，雖然露肩同露臍嘅設計有一定嘅性感度，但點都唔覺有驚艷嘅感覺。如果咁諗嘅話就錯喇！事關從後面睇嘅話，就會發現睡褲嘅Pat Pat位竟然門戶大開！換言之，如果冇着底褲嘅話，成個臀部都會露晒出嚟。有日本網民就話設計方便去廁所，亦有人則問究竟邊個會着，不過有更多網民覺得呢套應該係情趣睡衣至真。
總係有唔少女士唔明，點解男人都鍾意女伴喺啪啪啪時叫出聲，其實外國亦唔少女士有呢個疑問。為此，美國紐約大學人類性行為教授Zhana Vrangalova博士便指出，我哋之所以發出性噪音，目的係為咗讓彼此都感受到歡愉嘅情緒，等大家都知道正進行緊一件快樂嘅事情。
所謂性噪音，包括叫床聲，當中亦不分男女。此外，亦有一項研究顯示，性噪音可以令男女喺床上表現更好，不但能夠令男士獲得更高歡愉感，而女士透過性噪音不但可以減低性愛初段不適感，同時更易獲得性高潮，更重要嘅係男女透過對方發出嘅性噪音，可以建立更大嘅自信心。事實上，美國情趣用品零售商Lovehoney進行嘅一項調查發現，有百分之七十五嘅女士透過呻吟聲提升情緒，可獲得連續兩次或更多次性高潮。
自美國超級英雄電影《復仇者聯盟4：終局之戰》放映以嚟，至今仍有唔少人回味不已，而呢陣美超風原來仲吹到泰國嘅夜場，咁美超電影同夜場又有乜嘢關係呢？
話說位於曼谷嘅的士高「Krystal Club Thonglor25」，早前舉辦美超之夜，讓場內一眾火辣性感兼索爆嘅女舞蹈員，化身成性感迷人嘅超級英雄，雄赳赳嘅美國隊長、鐵甲奇俠同雷神大家就見得多，原來由性感女郎Cosplay成嘅娘化版，竟然別有一番魅力！唔係因為個個舞蹈員都樣靚身材正，先至有咁嘅評價，更在於佢哋身上戰衣嘅上半身，其實係人體彩繪嚟，不過大家唔好心邪，因為兩點都早已被「封印」，但話說回來，點解冇變形俠醫嘅？
撰文：魂