早前Pornhub搞咗個名為「BeeSexual」拯救蜜蜂頻道，拍攝蜜蜂主題嘅成人影片，只要網民觀賞，Pornhub就會向保育蜜蜂組織捐款。結果反應激烈，共14段「蜜蜂四仔」，加埋有超過150萬View，有9成觀眾派Like。但係細佬摷勻Pornhub嘅官網同社交網都搵唔到究竟幾時捐款同捐咗幾多囉！當然堂堂Pornhub又點會走數呢，但冷靜過後睇番，其實事前又點會預計唔到大家嘅反應？蜜蜂頻道近至歐洲，遠至非洲都即時睇晒，若然呢壇嘢要宣傳費，呢個真係天文數字喇！亦有網民陰謀論諗，早排Pornhub副總裁Corey Price表示有意收購社交媒體「Tumblr」，而Pornhub搞咁多慈善活動，無非係洗靚個牌頭喎，咁不妨每年搞個「歡樂滿Pornhub」，打救全球獨男啦！