夏天就快到喇！大家準備好迎接熱辣辣嘅炎夏未呢？今日就為大家帶來一位充滿夏日陽光感覺嘅美人兒遠山茜子，佢嘅笑容猶如陽光般燦爛，身材亦散發出陽光健康氣息，熱辣指數爆燈！
雖然話男人都鍾意白滑美人，但係黑美人同樣能夠取得男人嘅歡心，而喺日本寫真界中有好多肌膚黝黑嘅人氣美人兒，好似「寫真界黑鑽石」橋本梨菜以及葉月彩咁，佢哋除咗恃住大波橫行寫真界，亦以一身古銅膚色成功吸納大量粉絲！不過，佢哋已經出道多年，又有冇新晉黑美人畀大家耳目一新嘅感覺呢？梗係有啦！今日同大家見面嘅遠山茜子咪係囉！
今年21歲嘅遠山茜子五官標致，小弟最鍾意佢笑起上嚟夠晒天真無邪，仲燦爛得猶如中午時分嘅烈日光芒四射，令人精神一振、陰鬱全消！此外，茜子嘅膚色黝黑，胴體纖巧得嚟具曲線美，一睇就知佢成日都郁唔停，活力同精力都相當旺盛啦！
遠山茜子喺2015年成為模特兒，話說有一日佢同媽媽去原宿行街時，被藝能事務所嘅人員睇中並提出邀請，其實茜子早就想做模特兒，並藉此進軍藝能界，加上得到媽媽嘅支持，所以佢就立即應承。之後，茜子參加一個叫做「Gal選拔賽」並成功奪得冠軍，所以阿妹就有「No.1 Gal」嘅稱號，又因為佢膚色黝黑，故亦被封為「黑Gal女王」。
隨後茜子發展得相當暢順，更有機會拍劇，初次演出嘅作品叫做《給你奉獻的標誌》，亦喺資訊性節目《一夜渡過》中擔任主持人嘅助手。最近茜子就辛苦少少喇，因為佢參加咗一個電視台真人騷，同其他美少女一共10人嚟個海陸空大挑戰，游走不同國家進行生活以及求生體驗，唔怪得阿妹近期好似瘦咗唔少啦！
簡介：遠山茜子近期喺寫真界活躍度漸漸提高，而喺佢嘅社交網可以見到唔少水着照片，想感受一下茜子嘅水着魅力，就要Click入去睇喇！
網址：https://twitter.com/akane_016?lang=ja
年齡：21歲
身高：5呎
三圍：32C-23-34
撰文：賢