男人經常以性生活冇晒激情而走去偷食，只係偷食男有冇試過從女性嘅角度出發呢？呢位女網民表示老公愈嚟愈冇情趣，搞到佢好心淡，佢話：「老公喺婚前好積極做o架，做足前奏功夫，又會買玩具同我玩，最正係有次佢買咗條情趣底褲，我哋嗰晚興奮到梅開二度。點知結婚之後，佢就冇晒情趣，反而我就積極諗啲刺激嘢玩，初頭佢都好有反應，後嚟卻草草了事，最近我哋更冇行房。想問結咗婚男人係咪都係咁o架？我真係愈嚟愈灰呀！」
民間特色：聽你咁講好似唔係你嘅問題，反而問題應該出喺你老公嘅身上，會唔會佢有咗其他嘅發洩渠道，所以對你再提唔起性趣呀？
好成事：呢啲嘢好正常嘅啫，男人嘅心態就同食飯一樣，次次都食住同一樣餸，畀你都厭啦！感情嘅嘢細水長流咪算囉，諗咁多做乜吖，最重要佢冇小三啫。
魚樂圈IKK：女人總係鍾意將責任推喺男人度，其實你有冇諗過婚後有冇繼續執靚自己呀？變殘嘅樣，變肥嘅身材，統統都係令男人提唔起性趣嘅主因。
SandyCH：你老公好明顯喺外面有景轟啦！唔係話女人幫女人，佢一定係有其他女人先至對你嘅熱情冇反應。唔好話我批死佢，佢一定係有二奶先至會咁！