香甜糖果吃出慾火

情色俚語：Love Candy甜甜蜜蜜

大家唔好以為中文譯做愛情糖果嘅英文俚語「Love Candy」係形容情侶好Sweet噃，原來佢嘅意思係指女性喺興奮期間分泌出潤滑劑，亦即係蜜汁。另外，大家又知唔知道「Candy Maker」係點解呢？其實佢係指男士進行手作仔活動咁解。

玩樂辭典：Candy Cane 食棒棒糖

棒棒糖英文係「Candy Cane」或「Candy Stick」，不過喺情色俚語中卻有另有所指，就係暗指男士嘅兵器。如果係咁嘅話，大家又試吓估中文解做糖果包裝嘅「Candy Wrapper」，其實係指乜嘢呢？原來佢係指安全套，不過大家要留意，通常係形容顏色鮮艷嘅安全套。

美國四仔系列：《Hard Candy》 極具挑逗

美國四仔向來相當重視官能刺激，因此唔少作品以狂野為賣點，講到當中最具挑逗性嘅話，呢套由著名四仔片廠Vivid喺2005年2月推出嘅《Hard Candy》，絕對係當中嘅經典作品。四仔導演Paul Thomas執導，搵嚟Dasha、Nicki Hunter、Jennifer Luv以及Naudia Nyce4位人氣脫星演出，故事講述喺單身派對上，四女點樣同五個型男擦出慾火。

提起Dasha，本來係捷克嘅游水運動員同舞蹈員，點知同男友移居美國後，對方竟然有外遇仲走埋佬，結果佢走咗去拍四仔，憑住美貌而成為人氣脫星。

日本AV系列：《裸體HARD CANDY》 鮎川亞美

獲獎嘅AV作品固然係經典，但係有唔少未曾獲獎嘅作品亦深受AV迷歡迎，好似呢套由MAX-A喺2002年3月推出嘅《裸體HARD CANDY》就係其中之一。佢之所以大受歡迎，同主演嘅AV女優鮎川亞美有相當密切嘅關係。

亞美憑住35E巨乳以及狂野嘅床上演出而備受注目，出道作《新‧官能姬 第8章》獲得AV迷激讚，而喺呢套《裸體HARD CANDY》中，佢更將誘人淫態盡情展露，因而被AV迷視為經典AV之一。

撰文：魂