做得脫星邊個唔想紅，紅咗就想更紅，但係Riley Reid竟然話唔想爆紅喎！佢就係喺背脊紋上「生活帶來您時檸檬做檸檬水」嘅脫星，以阿妹喺脫星界打滾咁多年，加上從佢待人接物，外界極有理由相信，佢係想繼續為幕前出力，而同時唔想大家嘅焦點集中喺佢身上！咁好矛盾啫，又要砌又怕紅，不如索性退出啦！但係Riley Reid喺人前人後都表明醉心脫星工作，能夠帶畀佢存在感，而更重要係阿妹有別於一眾脫星，非常清楚上床肉搏係為咗搵食，亦知道自己嘅人生追求啲乜，其實佢嘅紋身原文「When Life Gives You Lemons, Make Lemonade」嘅意思係指「人生難免遇到不如意，但換個角度想也能把它變成好事」，可以睇得出佢與世無爭，大家可能笑細佬講到好了解Riley Reid咁，當然唔係，純粹係睇咗佢一篇深情專訪，阿妹話想繼續做，但唔係因為市場需要，亦非滿足粉絲，麻煩大家唔好捉錯用神，你可以欣賞或罷睇，但唔好要求或品評佢做過乜喎！做脫星做到咁脫俗，係咪好高尚呢？