日本唔少寫真美人兒都有飼養寵物，一般都係養貓貓狗狗，而出身於琦玉縣嘅H Cup清純美女星名美津紀就別樹一格，鍾意飼養鸚鵡。美津紀身材火辣、凹凸有致，加上一副純真又可愛嘅面孔，形象又健康討好，出道以來一直都深受寫真迷喜愛，最近其個人社交網嘅關注人數已經累積達10萬人咁多，呢個好消息仲得到日本媒體廣泛報道添！
美津紀確係魅力驚人，但係社交網關注人數增加，同佢成日出動三隻鸚鵡有關，因為美津紀愛鸚如子，完全冇用籠或腳鎖限制鸚鵡嘅活動，任由佢哋通屋走，而美津紀喺佢哋嘅陪伴下食飯、睇書、睇電視，場面相當溫馨，咁多人睇美津紀嘅社交網除咗因為阿妹身材夠晒勁，亦有可能係拜班鸚鵡仔所賜。
網址：https://twitter.com/hoshina_mizuki
撰文：賢