雖然話雨水可以滋潤大地，但係成日都天陰陰真係令人咩心情都冇晒！話時話，春天來到，接下來就係夏天，大家都預咗有唔少日子會落雨，然而我哋有池岡星香呢位天氣女郎，有佢大放晴天之美咁就唔使怕喇！
各位男士們真係好有眼福，因為日本寫真美女數量愈益增加，想睇巨乳有巨乳，想睇美尻又有美尻，想搵長身高挑美人嘅話，當然亦有好多選擇啦！新進寫真妹如日比美思、華村飛鳥、朝比奈彩都係身材高挑得嚟又上圍豐滿嘅上上之選，至於今日同大家見面嘅池岡星香，喺外在美方面一樣唔會輸畀佢哋！
23歲嘅池岡星香五官唔算標致，但係又不失清新秀麗之氣，而見到佢嘅笑容，相信係男人都會覺得精神煥發兼且頓感通體舒暢，正係因為星香擁有呢股令人精神一振嘅陽光魅力，所以好多人都話佢係晴天姐姐，見到佢就好似身處晴朗的一天咁醒神！當然，令男人大感精力湧現嘅地方，仲包括一對D Cup美乳，以及5呎7吋嘅高挑苗條胴體啦！
星香有咁好身材，有美乳又有修長美腿，實在令人羨慕又妒忌，但係阿妹表示令佢最有自信嘅地方，原來係背部冇多餘嘅肌肉，睇落充滿曲線美，睇嚟男人同女人嘅審美眼光的確係有好大分別喎！
雖然星香質素超班，但係喺2018年環球小姐日本愛知縣比賽中卻未能獲得任何獎項。不過，冇獎攞亦未有影響星香嘅演藝事業發展，繼續喺電視台做天氣女郎，一樣令人氣與日俱增。上年佢加入寫真界發展，推出首本寫真集《Seika》，誘人身材配上陽光氣息，睇到大家如癡如醉，連佢阿哥，即係知名男子組合D-BOYS成員池岡亮介都讚阿妹魅力驚人呀！
簡介：最近池岡星香落力宣傳寫真集而四出舉行簽名會，大家想知道星香將會去到邊度做宣傳，以及欣賞一下阿妹嘅生活點滴，就要Click上其社交網睇睇喇！
網址：https://twitter.com/seikaikeoka
年齡：23歲
身高：5呎7吋
三圍：34D-23-33
撰文：賢