去日本旅遊，相信唔少人都會幫襯一下當地嘅便利店，原因係店內商品應有盡有，而售賣嘅食品飲品都相當令人回味，小弟就最鍾意去便利店買幾罐啤酒，再買炸雞之類小食慢慢品嘗，滋味絕對唔會輸蝕得過喺食肆用餐。去便利店行一圈嘅原因亦包括飽覽一下AV資訊雜誌，但係最近有兩個大型便利店集團表示會將一系列成人雜誌下架，點解咁做呀？佢哋話唔想畀咁多未成年人士咁容易接觸到成人資訊喎！另外，亦因為2020年東京奧運將至，唔希望令由世界各地嚟到日本欣賞奧運比賽嘅遊客有不良印象。收到呢個消息之後，好多巴打都表示好懷念以前同朋友喺便利店企定定睇成人雜誌、一齊討論AV女優嘅日子。咁如果大家真係好想買成人雜誌，了解一下最新嘅AV情報又可以點呢？惟有去AV銷售店囉。